Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

SKMM patahak ‘Walkie Talkie’ kumaa Kotinanan Malim Gunung

walki talkie

RANAU : Suruhanjaya Komunikasi om Multimedia Malaysia (SKMM) tadau baino minapatahak soginumu 50 tinan ‘walkie-talkie’ kumaa Kotinanan Malim Gunung Kinabalu om Lembaga Pemegang Amanah Taman-Taman Sabah montok gunaon poompus ababayan mindakod nuluhon nabalu id timpu abantalan.

Ponorikohon SKMM Datuk Seri Dr Halim Shafie minoboros do ‘walkie-talkie’ miampai sistom komunikasi radio id frekuensi di akawas (VHF) dilo nopo nga talian piromutan alternatif id posorili kinoyonon Gunung Kinabalu ih papaanu koduo-duo puru miromut potilombus soira papanau karaja.

Alansan ih Halim toluod miagal dilo kaanu popoinsonong karaja om piromutan id tanga malim gunung om pongurusan Taman-Taman Sabah sabap piromutan nopo nga kosuul kopio lolobi kapaampai ahal mogihum om manampasi

“Haro pangapalaian mantad kotinanan malim gunung mooi onuan do iso sistom komunikasi alternatif sabap kowowoyoon pointantu kosuang kowowoyoon noguyu tana om sistom selular amu osonong piromutan.

“Sabap dilo SKMM miampai TM Berhad nokotumboyo do posodia sistom piromutan radio VHF sabap kosuul ilo montok malim gunung,” ka diso kumaa maganu habar kalapas ababayan panahakan ‘walkie-talkie’ id Kundasang do hiti di baino.

Nokotindapou nogi ih Kumoduo Potunud Taman-Taman Sabah Dr Marklarin Lakim, Pongurus Taman Kinabalu Yassin Mikin om Ponorikohon Kotinanan Malim Gunung Kinabalu Richard Soibi.

Ka di Halim ‘walkie-talkie’ dilo kaanu manahak liputan gisom id sunduk Nuluhon Nabalu.

Minoboros isido do panahakan 50 tinan ‘walkie-talkie’ dilo nopo nga sombohogian mantad panahakan soginumu 100 tinan kakamot dilo ih pinoumum di Montiri Piromutan om Multimedia Datuk Seri Ahmad Shabery Cheek.

Ka disio, topod 50 tinan mangan patahako id iso ababayan ih pikikiro potunuion di Ahmad Shabery kalapas Hari Raya nanti. — BERNAMA

Komen


Berita Berkaitan