Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

SKMM nunsub maganu laang okodou tumoguang ahal araat maya media sosial

Radin-potong-kek-Krismas-600x355
TENOM – Mogigion di oupus do kotanangan om piuludan id pogun diti kotilombus gisom sogigisom apatut mangalai nunu nopo koimbayatan sombohogian puru dii tumomod poposibar ahal tinaru maya media sosial.
Tumanud Montiri Kotundaan Labus Pogun Datuk Radin Malleh, laang sombohogian puru poposibar ahal amu osonong apatut toliban.
Sabap dilo alansan isido moi Suruhanjaya Komunikasi dan Multimedia Malaysia (SKMM) momonsoi ponoriukan tosorisid om mamadawa puru nakaampai poposibar ahal karait tinaru om ugama maya media sosial.
“Kowowoyoon miagal dilo popoimbulai katagadan om ginawo amu osonong id tanga mogigion mogisuai-suai tinaru om ugama id pogun diti,” ka disio.
Minoboros isido miagal dilo id ababayan walai poingukab Krismas 2014 om Toun Wagu 2015 pinaanjur Parti Bersatu Sabah (PBS) Bohogian Melalap id Kampung Makakumpai, Tenom.
Isido ih ponogi Kumoduo Porosidin PBS mokianu kumaa rayat pogun diti amu monutun do kotonudan pulitik om ugama do tumilombus monokodung pingisaman do porinta do manalasai kobolihangkangan do rayat. – Dii Kalawon Sawing / SayangSabah

Komen


Berita Berkaitan