Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

SKMM minanalob 1,074 laman sesawang tayamut: Salleh

12:38pm 11/11/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

salleh
KOTA KINABALU: Suruhanjaya Piromutan om Multimedia Malaysia (SKMM) gisom tulan Kohopod toun diti, minanalob 1,074 laman sesawang tayamut id siriba Akta Piromutan om Multimedia 1998.

Montiri Piromutan om Multimedia Datuk Seri Dr Salleh Said Keruak minoboros do gisom baino soginumu 106 laman poh kawagu mangan talabai sabap kasalaan di miagal.

Ka disio laang manalob dilo nopo nga sombohogian pingisaman SKMM montok manampasi kowowoyoon tosonong ih noowit mogigion mogisuai suai tinaru om ugama id pogun diti.

“Kosuul montok SKMM maganu laang miagal dilo sabap ilo noh tadon kobolihangkangan sosial id pogun tokou,” ka disio kumaa maganu habar soira nokotindapou id Walai Poingukab Deepavali 2015 pinaanjur do Kotinanan Piromutan MIC Sabah id Dewan Serbaguna Kompleks Sukan Likas, somok hiti di konihab.

Suai koi lo ka disio mogigion nga pinokianu manahak kointalangan karait nunu nopo laman sesawang ih kikotumbayaan posibar suang tayamut.

Kointalangan dilo milo patahakon kumaa SKMM id [email protected] (http://aduan.skmm.gov.my).

Tumanud di Salleh SKMM nga minanganu laang miagal dilo kumaa laman web judi id pogun diti.

“Ahal diti mangan dahai huyaso, miampai ponguhupan toinsanan puru. SKMM papanau laang miampai agensi suai di kaampai kosuang Polis Diraja Malaysia om kosuul nopo ahal miagal diti oporlu onuan pogintangan pointopot,” ka disio. – BERNAMA

Apa Komen dan Pendapat Anda

Artikel Berkaitan