Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

SKM minopolulus RM7.41 riong montok 7 Koporasi

yahya2-600x362
PUTATAN: Suruhanjaya Koporasi Malaysia (SKM) minopolulus RM7.41 riong kumaa 7 tinan koporasi id Sabah id siriba pangalasan Tabung Modal Pusingan (TMP), kadii Kumoduo Boyoon Montiri Datuk Seri Panglima Haji Yahya Hussin.

Ka disio, 7 upalai di nokolulus dilo nopo nga wookon mantad 21 tinan koporasi di nakapangapalai TMP gisom tadau 30 tulan Kohopod om Iso nakatalib miampai ginumu RM40.36 riong.

“Topod 14 upalai dilo kakal id suang laang Longkod Tupis SKM,” ka disio soira minonorikohon Mitingan Kounsil Pirundingan Koporasi Nayatan Pogun Sabah (MPKN) toun 2015 id Soluxe Hotel Putatan, di konihab.

Nokotindapou nogi Potunud Suruhanjaya Koporasi Malaysia Pogun Sabah, Umar Sarim Haji Saidin.

Yahya ih ponogi Ponorikohon MPKN Sabah minoboros do, SKM nga minopolulus nogi upalai Geran Sakadai kotundaan mantad 17 tinan koporasi id Sabah soginumu RM725 noribu.

Soginumu 32 tinan koporasi id Sabah nakapangapalai geran Sakadai Kotundaan soginumu RM1.95 riong.

Ka disio, SKM alansan panahakan kousinan maya pangalasan TMP om geran sakadai kumaa koporasi ih nopili gunoon poinponu toinsanan koporasi montok potunda om poburu pongindopuan diolo potilombus kaanu momoruhang pandapatan toi ko “turnover” om kaanu poingkawas pandapatan puru koporasi. – Sayangsabah

Komen


Berita Berkaitan