Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

SK Jabang minoposurat susuian id UPSR

upsr-600x366
KOTA KINABALU: Sikul Kabansaan (SK) Jabang ih poinsuang sabaagi sikul okurian susumikul id watas Beaufort minoposurat susuian sondiri soira toinsanan apat susumikul id sikul dilo nakaanu koputusan 5A id Poniisan Pencapaian Sikul Tosiriba (UPSR) toun diti.

Kinalantaian dilo naanu do sikul nokomoi ih haro apat noh susumikul toun koonom nakaanu Gred Purata Sikul (GPS) 1.00 om posiliu SK Jabang sabaagi sikul kumoiso poingaran id 11 sikul nakaanu GPS goos tosonong id Sabah.

Molohingon sikul dilo Jamaludin Musleh minoboros do sikul dilo poinsumpak pikikiro 128 kilometer mantad hiti milo romuton miampai sumoborong do Bawang Padas toi ko maya sunsuion gantung mantad Kampung Suasa ih haro 48 susumikul om 18 monontuduk kosuang Puru Tinimungan Pelaksana (AKP).

Isido ih ponogi molohingon sikul koturu pakaraja id sikul dilo mantad onom toun nakatalib minoboros ilo noh kalantaian kumoinsan goos tosonong mantad noturidong o sikul dilo toun 70-an

Apat susumikul di nakaanu 5A dilo nopo nga Agku Mohd Ezzatul Mazuan Awang Rosli, Ruzaini [email protected], Mohd Azari Mohd Razim om Mohd Huzaini Junia. – BERNAMA

Komen


Berita Berkaitan