Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Siti Nordiana nosiliu bontugan id GV2

1:23pm 14/12/2015 Maryann 1 views Abal Kinoyonon,Kinoyonon,Kota Kinabalu,Momolihis

nordiana
SHAH ALAM: Nokotopot o ramalan kosiliu ih susuminding Siti Nordiana, 31, bontugan id pialaan kolimpupuson ababayan Gegar Vaganza timpu koduo (GV2), ih nokosolimbou maya potilombus id Auditorium Kounsil Kakadaian Shah Alam (MBSA), do hiti di totuong kosodop.

Siti Nordiana toi ko lobi nointutunan miampai pomolohou Nana minangala limo tutumanud kolimpupuson do suai, ilo nopo nga Farahadhiya, Ezad Lazim, Haiza, Nassier Wahab om Acong Sweet Child, potilombus nakalantoi monogowit tutungkap tusin soginumu RM100,000, songinan trofi om kikosiwatan mamarakam do single kosolimbou Astro.

Nana ih nointutunan maya sinding Memori Berkasih nga nakaramit nogi pakej percutian id Madrid, Sepanyol kigatang RM30,000.

Sinding “Putus Terpaksa” ih pinointutun dii Ziana Zain sininding dii Nana miampai tosonong om nakaanu tapap longon mantad tulun ginumuan ih nokorikot id ababayan dilo.

Daamot dilo, tukad koduo naanu dii Farahdhiya, 31 om tukad kotolu naanu dii Ezad Lazim. Susuminding Nassier Wahab id tukad kaapat, tukad kolimo Acong Sweet Child om Haiza id tukad koonom. – BH Online

Apa Komen dan Pendapat Anda

Artikel Berkaitan