Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sistom porikatan KKLW mositi poingkawason

ismail-sabri-600x385
KOTA KINABALU: Montiri Kotundaan Labus Kakadaian om Wilayah (KKLW) Datuk Seri Ismail Sabri Yaakob mokianu kumaa agensi om koupisan id siriba komontirian dilo mooi tumilombus poingkawas sistom porikatan montok momonu aspirasi rayat.

Ka disio, panahakan poruntukan tagayo montok kotundaan miagal di pinoumum id suang Bajet 2016 kumaa KKLW amu kaanu manahak nunu nunu rati sokiro kalansanan do rayat amu ponuon.

“Mantad RM5.4 bilion ih pinatahak montok kotundaan kumaa KKLW, RM1.56 bilion nopo nga montok Sabah.

“Soira pinoumum o bajet di tagayo montok Sabah… ilo nopo nga habar tosonong kumaa rayat id nayatan sunsud, nga sokiro kopoindalanan dau amu osonong, koporuol do ginawo diolo,” ka disio kumaa maganu habar kalapas minapatahak tutungkap Khidmat Cemerlang (APC) kumaa 233 tupisor om kukumaraja agansi id siriba KKLW nayatan Sabah om Labuan do hiti di baino.

Soginumu 2,976 kukumaraja KKLW poimpuli pogun nakaramit APC toun diti.

Karait pogintangan sinonong kopoindalanan porojik tongokoro id siriba KKLW miagal Ababayan Sakadai Walai (PBR), minoboros ih Ismail Sabri do papanahon ilo sondiri do tupisor KKLW.- BERNAMA

Komen


Berita Berkaitan