Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sistom GST amu posusa rayat

HALIZA
KOTA KINABALU: Tulun ginumuan pinosorou moi amu obintumbayaan titondos amu osonong sombohogian puru ih monondos Sukai Kakamot om Kotorinaan (GST) monusa momoguno.

Ponorikohon paanjur Ababayan Kopurimanan Momoguno Halizah Din minoboros do, nokopomonsoi noh porinta ponoriukan tosorisid kosuang mokianu pomusarahan mantad pakar ikonomi pogulu maganu koputusan papanau sistom GST ih poimpuunon tadau ko-1 tulan Kaapat abantalan.

“Tulun ginumuan lolobi kopio momoguno apatut karati do sistom GST ih pinointutun popoimbulai sistom porsukaian di lobi osonong piagalon Sukai Padagangan om Kotorinaan (SST) ih poindalan do babaino diti,” ka disio.

Minoboros isido miagal dilo soira minanahak boboroson id kopongukaban Ababayan Kopurimanan Momoguno Nayatan Kota Kinabalu id Bangunan Seri PPS Sembulan, hiti di songkosodop.

Ahal di mangan pogibabarasai id panambarasan dilo nopo nga karait GST, hak momoguno om kobolihangkangan kinoinsawaton gatang kakamot. Ababayan dilo pinaanjur Kounsil Kotundaan Koonduan, Paganakan om Mogigion Kota Kinabalu miampai ponguhupan Koupisan Ahal Koonduan Pogun, Tupis Pidagangan Suang Pogun Koperasi om Momoguno raan Sabah om Koupisan Kositum.

Ponutuban do ababayan dilo pinoimagon di Boyoon UMNO Bohogian Kota Kinabalu, Datuk Faisyal Yusuf Hamdain Diego.

Minoboros ih Haliza do nakapanahak noh o porinta jominan do GST soginumu 6 pihatus amu posusa rayat lolobi mogigion okuri pandapatan id pogun diti. – Dii Nuzir Andi Samsiar / sayangsabah

Komen


Berita Berkaitan