Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Siliho balajaran sabagi kopoopuan tagayo paganakan

Tawfiq Abu Bakar Titingan soira manahak boboroson id ababayan dilo.
Tawfiq Abu Bakar Titingan soira manahak boboroson id ababayan dilo.

TAWAU – Komolohingan apatut poposiliu balajaran do tangaanak sabagi kopoopuan tagayo id paganakan.

Montiri Komulakan om Sipoot Pogun Datuk Tawfiq Abu Bakar Titingan minoboros do kopoopuan id kaganaan balajaran kaanu posoliwan do paganakan nokomoi mantad komosikinan.

Ka disio, toiso iso paganakan kotilombus id ningkokoton mosikin sokiro aiso pingisaman diolo maganu laang do poposiliu balajaran tangaanak sabagai kopoopuan timpu tohuri tadau.

“Kada siliho komosikinan do alasan montok tangaanak amu kaanu mongoput balajaran id uniborsiti sabap ogumu ponguhupan pinosodia porinta kumaa rayat id suang balajaran,” ka disio soira minanahak boboroson id ababayan Anugerah Pelajar Cemerlang sesi 2014 SK Kuala Apas, do hiti.

Id ababayan dilo, minanahak nogi ih Tawfiq do sakadai soginumu 200 korusi montok sikul nokomoi.

Ka disio, Kotinanan Molohingon om Mongingia (PIBG) nga apatut monguhup puru sikul om tangaanak sikul di popoingkawas ningkokoton balajaran.

Karait ababayan dilo, ka disido, kaanu ilo mongunsub tangaanak sikul moi tumilombus mimparagat balajar om kaanu koputusan poniisan goos osonong. – SayangSabah

Komen


Berita Berkaitan