Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sikuriti ginusa limo korita pulis

peronda
KOTA KINABALU – Songulun sikuriti minanahub korita Koupisan Padsakaian Talun-Alun (JPJ) id pingisaman mogidu mantad tahanon puru kikuasa id Jalan Tuaran Bypass do hiti pitangaadau konihab.

Boyoon Pulis Watas Asisten Komisioner M.Chandra minoboros do kinaantakan dilo naantakan soira noilaan ih natandasan kiumur 29 toun, haro kakamot moniop dadah id suang kantung.

“Sasabap modosi tahanon puru kikuasa soira noilaan mangakan do dadah, ih natandasan minogidu momoguno korita Nissan Vannette sinanganu tambalut dau,” ka disio do hiti di baino.

Tumanud di M.Chandra, pikikiro jam 9.30 kosuabon, ih minongumpilin ih ponogi songulun sikuriti nokopuriman natagak korita dau ih pinoiliu id toguang pondok sikuriti iso sikul id Likas.

“Nokito do paronda pulis o korita nokomoi id Likas nga minogidu kawagu ih natandasan om naantakan migusa korita gisom id Jalan Tuaran Bypass.

“Mamaso mumbal mogidu dilo, ih natandasan nokotugu iso korita JPJ ih mamaso papanau karaja pangantaban talun-alun id Jalan Tuaran Bypass,” ka disio.

Ih natandasan naanu minanahan id Taman Bayu Kolombong, Inanam asil ponguhupan apat paronda pulis di suai.- Dii Dewiana Tinggolongon / SayangSabah

Komen


Berita Berkaitan