Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sikul osiliu longkod Akademi Bola Sepak

adademi sukan
KOTA KINABALU – Sikul ngawi id pogun diti kaanu silihon sabagi longkod popotunda bola sepak kinoyonon lolobi montok mangasa bakat komulakan sabagii pamain palapis id sipoot numbur koiso pogun diti.

Sabap toinsanan sikul id pogun kiharo komudahan miagal asrama om padang bola suai ko kiharo ababayan ngawi dii pinapanau kotinanan sipoot kosuang nogi maya Kotinanan Bola Sepak Sabah (Sabah FA) nayatan watas.

Kumoduo Montiri Karaja Tagayo Datuk Rosnah Abdul Rashid Shirlin minapaatag do Akademi Bola Sepak poimbulaion id toiso-iso watas id pogun diti sabagi laang timpu anaru mongimbulai bakat om popointalang komilaan diolo id nayatan lobi akawas.

“Kotinanan ngawi bula sepak miampai sokodung om piuhupan do Sabah FA id toinsanan watas apatut lobih mimparagat papaharo pialaan bola sepak, pinsingilaan, kolinik bola sepak om ababayan ngawi suai montok popomogot podaa kawagu diti sipot bola sepak id pogun Sabah,” ka disio.

Minoboros isido miagal dilo id pialaan Bola Sepak Bekas Pemain Bola Sepak Sabah rinuba bagas Pamain Bola Sepak Selangor montok mangahau piala toluod Montiri Komulakan om Sipoot Sabah Datuk Tawfiq Titingan pinapanau Kelab Bola Sepak Victoria Labuan id Kompleks Sukan Likas.

Nokotindapou ih, Tengku Shakirinal Amin Shah Tengku Sulaiman; Jurulatih kabansaan Harimau A, Datuk Ong Kim Swee, Porosidin Kolab Bola Sepak Victoria Labuan ih ponorikohon dau Suresh Muniandy om pongurus tinimungan bagas pamain Sabah, Datuk Jahid Jahim. – Dii Monica Gidong / SayangSabah

Komen


Berita Berkaitan