Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sikul naantakan do luyud onuan sakadai osikap

pengetua-mary yap

TAWAU : Pongotua om guru besar ih, sikulan diolo naantakan do luyud pinokianu mongintutun sakadai di apatut pokionuon montok porsodiaan sumikul toun abantalan.
Kumoduo Montiri Balajaran Datuk Mary Yap minoboros do sikul nokomoi patut onuan pogintangan om sakadai osisikap miagal kogunoon buuk, bangku, meja om suai po.
Minoboros isido miagal dilo kumaa maganu habar kalapas ababayan Ramah Mesra Krismas miampai monontuduk om momuruan kinoyonon, hiti di kawawagu.
Yap, ih ponogi puru Parlimen Tawau minoboros do sakadai montok monguhup tulun dii naantakan do luyud okon nopo ko patahakon dilo Komontirian Balajaran Malaysia (KPM) nga mantad mogisuai-suai agensi porinta.
Daamot dilo, Montiri Komulakan om Sipoot Sabah Datuk Tawfiq Abu Bakar Titingan mokianu kumaa toinsanan rayat id pogun diti moi amu poposibar habar amu otopot maya media sosial karait kowowoyoon do luyud ih notoguang piro-piro pogun. – BERNAMA

Komen


Berita Berkaitan