Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sikul di nohompitan do luyud kaanu potimpuun sikulan

Mary Yap (tanga’) soira minongoi intong porsiapan iso sikul ih nohompitan do luyud id watas Tenom ih potimpuun sikulan do tadau Suab. – foto Masani Sandan
Mary Yap (tanga’) soira minongoi intong porsiapan iso sikul ih nohompitan do luyud id watas Tenom ih potimpuun sikulan do tadau Suab. – foto Masani Sandan

TAWAU – Piro-piro sikul id Sabah ih nohompitan do luyud om nokotoguang okuri kinaragaan kaanu potimpuun sikulan id timpu di pinatantu do Komontirian Balajaran.

Kumoduo Montiri Balajaran I, Datuk Mary Yap Kain Ching minoboros do Tupis Balajaran Watas (PPD) ih nohompitan do luyud apatut koilo nunu ngawi naraag id sikul diolo om poporuput osisikap montok insanangan.

“Apatut o PPD mogintong om mongilo toinsanan kinaraagan om maganu laang osikap kosuang nogi mongintutun nunu tadon tu noluyudan kinoyonon do sikul,” ka disio.

Minoboros isido miagal dilo soira rinomut maganu khabar id tombului tolu sikul ih nohompitan do luyud id watas diti di konihab. Sikul nopo dilo nga Sekolah Kebangsaan (SK) Batu 22, SK Kuala Apas om SK Wakuba.

Tumanud disio, kosuul kopio laang mongintutun tadon kinaantakan luyud id kinoyonon sikul sabagi laang pangantaban om porsodiaan id timpu abantalan. – Dii Masani Sandan / SayangSabah

Komen


Berita Berkaitan