Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sikul apatut popilipat pingisaman mamagampot ningkokoton SKK: Mary Yap

MARY 14

TAWAU – Toinsanan sikul lolobi id kinoyonon labus kakadaian apatut popilipat pingisaman do popoingkawas kinalantaian poompus id sikul, sokiro manu mamagampot ningkokoton Sikul Kluster Kecemerlangan (SKK), ka di Kumoduo Montiri Balajaran Mary Yap Kain Ching.

Tumanud disio, mogisuai suai pingisaman aanu papanahon dilo molohingon sikul montok popoingkawas kalantaian do toiso iso sikul diolo kosuang nogi mogintong kopio ahal koborisian, kolidasan om kotungoligan (3K).

“Ahal 3K nopo nga kosuul kopio sabap kaanu mogintong toinsanan susumikul kaanu balajar id kowowoyoon di lobi osimbayan om osonong.

“Kowowoyoon dit tosonong miagal dilo nga kaanu monguhup popoingkawas balajaran diolo om potilombus popoingkawas kinalantaian toiso-iso susumikul id sikul nokomoi,” ka disio.

Minoboros isido miagal dilo soira minongoi tombului id sinumpakan pamansaian dewan poingukab Sekolah Kebangsaan (SK) Andrassy, do hiti.

Karait pamansaian do dewan dilo, ka di Yap, nakaramit noh puru disio surat pangapalaian om mamaso id pibarasana miampai Kounsil Kakadaian Tawau (MPT) karait kousinan momonsoi dewan nokomoi. – BERNAMA

Komen


Berita Berkaitan