Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Siktor swasta obinsianan monguhup mogigion tongosusa

sektor swasta

KOTA KINABALU – Poompus tulan Ramadan diti, nasip tinimungan kitaangayan tosiriba, tulun nolohing om tangaanak asio molohing potilombus onuan pogintangan puru Swasta.

Suai ko ilo, mogigion dii nokotoguang korumbakon sandad misorili nga nakaanu nogi sakadai miagal kakamot konunuan om tusin kihontolon do papagaan tingorit diolo.

Wookon nopo di minanahak sakadai nga Pusat Giat Mara ih minanahak sakadai kumaa 106 paganakan mungui nasaraban walai id Kampung Gusung, Likas.

Sakadai dilo pinatahak di Boyoon Tupisor Eksekutif dau Datuk Mohd Rosdi Haji Ismail id Dewan Serbaguna Kampung Cenderakasih, Kolombong konihab.

Daamot dilo pasaraya Giant nga minanahak nogi toluod RM10,000 kumaa 150 tulun mogigion id kampung kinoyonon Walai Koundangan Pogun (DUN) Karambunai.

“Sakadai baucer RM100 monikid songulun dilo montok manahak kosiwatan kumaa tinimungan kipandapatan tosiriba do momoli kakamot koporluan lolobi kopio porsodiaan mamaramai Hari Raya Aidilfitri,” ka di Pongurus dau Daniel Ong.

Koduo-duo ababayan dilo sinasi di Montiri Kotundaan Mogigion om Ahal Momoguno Sabah Datuk Jainab Ahmad Ayid. – Dii Nuzir Andi Samsiar / sayangsabah

Komen


Berita Berkaitan