Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Shafie Apdal tatap sotia miampai Umno

Shafie-Apdal

SEMPORNA – Naib Porosidin Umno Datuk Seri Mohd Shafie Apdal minoboros do pointatap isido sotia miampai paati dilo sundung natatak mantad Kabinet tadau Koduo nakatalib.

Mulong amu nodii migit nunu-nunu ningkokotin id Kabinet, ka disio kakal isido papanau tonggungan montok rayat om pogun.

“Ogumu fitnah pinosibar kalapas tinatak oku sabaagi Montiri Kotundaan Labus Kakadaian omm Wilayah, gisom haro poboros do tumanud oku Kotinanan Kabansaan Sabah Bersatu (USNO). Ilo noh fitnah sabap kakal oku poingkakat om sotia kumaa Umno.

“Yoho songulun mantad pinotimpuun do Umno id Sabah om pokionuon ku toinsanan Puru Umno do tumilombus manahak sokodung kumaa paati dilo. Sabap dilo apatut tokou miiso montok popogirot do Umno,” ka disio.

Minoboros isido miagal dilo kumaa lobi 20,000 tulun ih nokotindapou id ababayan momuruan miampai rayat id soliwan walai disio di hiti di baino.

Mohd Shafie ih ponogi Boyoon Umno Bohogian Semporna, minoboros do tumilombus isido manahak ponumpuan kumaa ningkokoton disio id suang paati om mingisom popogirot paatu dilo. – BERNAMA

Komen


Berita Berkaitan