Sayang Sabah Facebook

Likes
Sayang Sabah Twitter

11,712

Followers

Sayang Sabah - Portal Berita Negeri Kita

SEDCO nosiliu manawalai pialaan GEMAPUTERA 2016

1:24pm 14/12/2015 Maryann 3 views Abal Kinoyonon,Berita Pilihan,Kinoyonon,Kota Kinabalu,Sipoot

sedco
KOTA KINABALU: Kotinanan Kotundaan Ekonomi Sabah (SEDCO) insan poh kawagu nosiliu mannawalai Pialaan Sipoot Sinompuruan Agensi Amanah Bumiputera & Perusahaan Awam (GEMAPUTERA) Ko-14 ih papanahon id Sabah.

Ababaayan dwi-tounan dilo pikikiro kotimpuun mantad tadau ko-23 gisom ko-26 tulan Kotolu toun abantalan.

Kumoduo Boyoon Montiri ih ponogi Montiri Kotundaan Pomorunan Sabah, Datuk Seri Panglima Raymond Tan Shu Kiah minoboros do Sabah wookon do pogun di haro komudahan om prasarana sipoot goos tosonong id Malaysia.

“Haro dati do padang golf, arena futsal, bola jaring kopitopong sompomogunan, kinoyonon kowoigan di agayo kosudong silihon sabaagi longkos sipoot waig, nuluhon di kosudong do indokodon miagal Mount Kinabalu Climbathon.

“Kolobian diti mositi gunoon miampai poimponu montok mamagayat puru ngawi sipoot mantad labus pogun potilombus popotunda poh kawagu diti pomorunan kotombuluian id pogun diti,” ka disio.

Minoboros isido miagal dilo id ababayan kopotimpuunan logo om laman web pialaan sipoot GEMAPUTERA ko-14, id Hotel Hyatt Regency Kinabalu, do hiti di baino.

Boboroson dau pinolombus di Monunurat Pointatap Komontirian Kotundaan Pomorunan Sabah Datuk Hashim Paijan. – Dii Elezebeth Esther/SayangSabah

Apa Komen dan Pendapat Anda

Artikel Berkaitan