Sayang Sabah Facebook

Likes
Sayang Sabah Twitter

11,643

Followers

Sayang Sabah - Portal Berita Negeri Kita

Sandakan nopili sabaagi manawalai karamaian Tadau Komulakan

10:40pm 12/05/2016 Maryann 1 views Abal Kinoyonon,Berita Pilihan,Kinoyonon,Kota Kinabalu

tawfiq (1)
KOTA KINABALU: Komontirian Komulakan om Sipoot (KBS) Sabah, mongumbangan do soginumu 10,000 tulun komulakan kotindapou id karamaian Tadau Komulakan Nayatan Pogun Sabah, solinaid duo tadau mimpuun ontok ko 21 tulan Kolimo diti id posorili Padang Kounsol Kotinanan Sandakan.

Ababayan kopotimpuunan om Pitimungan Komulakan 2016 nayatan pogun Sabah diho pikikiro poimogonon di Boyoon Montiri Sabah, Datuk Seri Musa Aman.

Montiri Komulakan om Sipoot Sabah, Datuk Tawfiq Abu Bakar Titingan minoboros do kopoonjuran Tadau Komulakan montok manahakk kopurimanan kumaa tulun ginumuan kokomoi kogompitan do koporintaan id panaandaka kopomoiganan kumaa kinalantaian, toguangon om sakadai tulun komulakan om nogi kotinanan komulakan id koburuon kotundaan pogun om pomogunan Malaysia.

“Ogumu ababayan noulud kopihondot Tadau Komulakan, wookon dino nopo nga Ababayan Kopomoiganan om Pitimungan Komulakan, Kapatahakan Tungkap Komulakan Pogun Sabah (ABNS), Panahakan Tungkap Perdana Komulakan Pomogunan Nayatan Pogun Sabah om Festival Komulakan 2016.

“Ababayan panaandakan diho poonjuron do Kounsol Komulakan Sabah (MBS) miampai ponontudukan do KBS Sabah, Koupisan Komulakan om Sipoot (P) Sabah, koupisan om oginsi koporintaan om nogi puru piomungan MBSS,” ka disido.

Noboros disido iid pitimungan habar Tadau Komulakan Nayatan Pogun Sabah id upis do Komontirian Komulakan om Sipoot, id Wisma Muis, doiti di konihab.

Potindapou nogi ontok dilo i Monunurat Pointatap do komontirian, om i Polosidin do MBS.

Minoboros ih Tawfiq do tema Tadau Komulakan toun diti nopo nga ‘Future Is Now’ om Kotundaan Komulakan Nopo Nga Tonggungan Toinsanan, misudong miampai tonggungan do Komulakan sabaagi do i tumungkus do kopomuruanan pogun id timpu abantalan. – SayangSabah

Apa Komen dan Pendapat Anda

Artikel Berkaitan