Sayang Sabah Facebook

Likes
Sayang Sabah Twitter

11,821

Followers

Sayang Sabah - Portal Berita Negeri Kita

SAN pilasu wookon ahal kopongumbal id ponoriukan SPRM Sabah

11:37pm 01/03/2016 Maryann 0 views Abal Kinoyonon,Kinoyonon,Kota Kinabalu

sprm
KOTA KINABALU: Datuk Hishamuddin Hashim ih pinanaik o ningkokoton om pinili sabaagi Potunud Bohogian Ponoriukan Suruhanjaya Pangantaban Susuap Malaysia (SPRM) minoboros do wookon nopo kiis kopongumbal mamaso disio momuruan do SPRM Sabah, nga ahal pomilosuan Sijil Anak Negeri (SAN) toi ko Surat Pengesahan Anak Negeri (SPAN).

Suai koi lo, kiis di kopongumbal montok soriukon id Sabah nopo nga ahal mananganu tana tulun di amu kosudong, ka di bagas Potunud SPRM Sabah kumaa maganu habar kalapas ababayan manain do nota om patahak mamaramit karaja miampai Potunud SPRM Sabah di kawawagu Datuk Shaharom Nizam Abdul Manap, do hiti di baino.

“Gisom baino ahal dilo kakal kosiliu pogintangan tagayo om kasasari tokou manahak ponguhupan kumaa porinta pogun do manalasai ahal dilo,” ka disio.

Minoboros isido do poompus toun 2015 puru disio nakaramit 452 kointalangan mantad mogisuai-suai wayaan om mantad ginumu dilo soginumu 126 karatas ponoriukan nukaban karait mogisuai-suai ahal.

“Mantad 126 karatas ponoriukan dilo, tinahan tokou soginumu 108 tulun om 48 tulun tinandasan id siriba mogisuai-suai kasalaan,” ka disio.

Minoboros ih Hishamuddin do, osontob ginawo disio toinsanan karaja di pinapanau do SPRM Sabah pooompus toun nakatalib kosuang mantad ahal koingkawason moral, prestasi tupisor om ttoluod id suang manalasai ahal id timpu timpu. – BERNAMA

Apa Komen dan Pendapat Anda

Artikel Berkaitan