Sayang Sabah Facebook

Likes
Sayang Sabah Twitter

11,666

Followers

Sayang Sabah - Portal Berita Negeri Kita

SAMUR nopongoh 98 pihatus

11:26pm 13/05/2016 Maryann 27 views Abal Kinoyonon,Berita Pilihan,Kinoyonon,Kota Kinabalu

samur
SIPITANG: Porojik Sabah Ammonia om Urea (SAMUR) id kinoyonon pomorunan tumau om gas Sipitang (SOGIP) do babainoo diti nopongoh noh 98 pihatus om pikikiro kotimpuun karaja komersial piintangan kaapat toun diti.

Boyoon Tupisor Eksekutif Petronas Chemical Fertiliser Sabah Sdn Bhd, Mohd Iskandar Bakeri minoboros do soira opongoh suai tadau, porojik dilo kaanu palabus Ammonia soginumu 2,100 metrik tan sangadau om Urea soginumu 3,500 metrik tan sangadau.

“Porojik diti nopo nga mongukab kosiwatan pakarajaan kumaa mogigion kinoyonon okon nopo ko id watas Sipitang nga poimpuli pogun diti.

“Do babainoo diti, pikikiro 90 pihatus kukumaraja nopo nga tulun Sabah,” ka disio kuma maganu habar id tapak porojik Samur, do hiti di konihab.

Tumanud dii Iskandar, wookon nopo komudahan ih haro id suang kompleks samur kiginayo 3.23 hektar dilo nopo nga jeti kininaru 1.5 kilometer ih kaanu porumpos tolu kapal kiwinagat 45,000 tan. – SayangSabah

Apa Komen dan Pendapat Anda

Artikel Berkaitan