Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sampaganakan puru susumangod nolondod id Sungai Moyog

Puru tinimungan manampasi Susumangod om JBPM mangakat rata songulun ih naantakan om id gambar tokooro songulun po kawagu ih naantakan nointutunan sabagi Elisabeth ih nokito nolondod id Bawang Moyog, Penampang. – foto ihsan JBPM
Puru tinimungan manampasi Susumangod om JBPM mangakat rata songulun ih naantakan om id gambar tokooro songulun po kawagu ih naantakan nointutunan sabagi Elisabeth ih nokito nolondod id Bawang Moyog, Penampang. – foto ihsan JBPM

KOTA KINABALU – Koundarangan tadau minggu songulun puru susumangod miampai turu paganakan disio nosiluu kinaantakan amu osonong soira, isido, sawo dau om duo poh tanak disio nokito nolondod id Bawang Moyog, Kampung Madsiang, Penampang, somok, hiti di tadau baino.
Ih naantakan poingkaraja sabagi puru susumangod, Tupisor Waran II, Samra Tongkooh, nabantalan nolondod miampai sawo disio, Elisabeth Magut, om duo poh kawagu tanak dau kiumur apat om 12 toun.
Paganakan dilo kikotumbayaan minongoi id bawang nokomoi montok borkila mantad podii jaam ko-2.30 sosodopon konihab.
Tupisor Piromutan Kogumuan Koupisan Momisok Tapui om Manampasi (JBPM) Sabah, Mohd Affendy K. Ramin minoboros do karaja mogihum om manampasi pinapanau puru JBPM miampai ponguhupan piro-piro agensi monguasa suai kosuang nogi tinimuungan manampasi susumangod.
“Rata puru susumangod diloo nokito miampai tanak dau 12 toun pukul 9.00 kosuabon baino (tadau minggu),” ka disio id kointalangan hiti di baino.
Ka disio, rata di sawo dii naantakan om tanak dau kiumur apat toun nokito pogulu id kinaantakan dilo om tolu po kawagu tanak natampasi. – Dii Nuzir Andi Samsiar / SayangSabah

Komen


Berita Berkaitan