Sayang Sabah Facebook

Likes
Sayang Sabah Twitter

11,698

Followers

Sayang Sabah - Portal Berita Negeri Kita

SAMORA monokodung terminologi “Momogun” mongolon “KDMR”

10:44pm 15/05/2016 Maryann 4 views Abal Kinoyonon,Berita Pilihan,Kinoyonon,Kota Kinabalu

jelani
KOTA KINABALU: Koisaan Momogun Rungus Sabah (Sabah Momogun Rungus Association) (SAMORA) tatap miampai ningkokoton pomogunaan terminologi “MOMOGUN” ih lobi kosudong montok koroitan kointutunan mogigion lonsod pogun Sabah.

Porosidin dau Dato’ Jelani Hamdan minoboros do mantad timpuun noturidong o SAMORA toun 1984 poh, kotinanan dilo momoguno koroitan Momogun. Om toun 2013 pinaatag disio pomogunaan terminologi “Momogun” montok mongolondo KadazanDusun Murut Rungus (KDMR) sabaagi kointalangan mogigion lonsod Sabah.

Ka disio, atag pomogunaan koroitan Momogun montok mongolon do KDMR montok mangalai koborulongon om id timpu pinaatag o koroitan dilo, nakaanu sisimbar tosonong mantad dii Tan Sri Bernard Dompok miampai pinonuridangan Kotinanan Rumpun Momogun Malaysia (loose confederation).

“Sokiro kakal tokou momoguno KDM toi ko KadazanDusun Murut Rungus (KDMR), insan tadau doti ginumu 4 huruf dio oruhangan.

“Nunu amu, sokiro tinaru suai miagal Tobilung, Kimaragang, Tindal, Sonsogon om suai poh tantu mokianu mooi tinaru diolo nga posuangon nogi, om kosiliu doti KDMRTKTS om haro lobi 40 poh kawagu huruf sumusuhut.

“Sabap dilo, sabaagi laang tosonong om aadang, koroitan MOMOGUN nopo nga sisimbar om panalaaian tosonong,” ka disio. – SayangSabah

Apa Komen dan Pendapat Anda

Artikel Berkaitan