Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sambayang do paganakan natahak do minamangun

MONGUNSIKOU … Zakriah soira rinuba maganu habar id walai dioli id Kampung Tinuhan, Tengilan Tuaran. – foto SAYANGSABAH
MONGUNSIKOU … Zakriah soira rinuba maganu habar id walai dioli id Kampung Tinuhan, Tengilan Tuaran. – foto SAYANGSABAH

TUARAN – Puru paganakan om tompinai ngawi di Lans Koperal Zakiah Aleip mongunsikou kumaa porinta Malaysia om puru kikuasa Polis Diraja Malaysia mantad pingisaman do pinapalabus puru Pulis Marin mantad tinahan mononongoi id selatan Filipina.

Tabang kotuahan di puru pulis nokomoi Zakriah Aleip, 32, minoboros do iyolo sampaganakan ounsikou ginawo soira sinunudan karait pinolobusan tadi disio dii puru kikuasa kosuabon songkonihab.

“Yahai sampaganakan amu nokoilo soira timpu pinalabus ilo tadi ku gisom rinomut yahai puru kikuasa di kosuabon,” ka disio soira rinuba id walai disio id Kampung Tinuhan, Tengilan.

Ka disio, amu nogi iyolo kasangka sambayang kotungoligan di pinapanau diolo om kinouliton toun tanak kumoiso di Zakiah piro-piro tadau nakatalib, montok sumambayang kotungoligan suai ko sumambayang moi kouli ih Zakiah id paganakan dau naramit.

Zakiah ih pinalabus tanga tuong, notungolig nokorikot id Sandakan jam ko-7.30 kosuabon tadau Koonom nakatalib miampai bot om tinanud do puru kikuasa pulis pogulu sinakai kapal kumaa id Kota Kinabalu.

Zakiah pakaraja id raan Pulis Marin tinangayan sontinumungan walu kusai kisindata soira mamaso papanau karaja id iso resort id Pulau Mabul, Semporna ontok 12 tulan Koturu toun nakatalib.

Id kinaantakan jam 11.10 totuong dilo, tambalut pakaraja disio Koperal Ab. Rajah Jamuan, 32, napatai soira notimbak tinimungan mononongoi mantad selatan Filipina. – Dii NUZIR ANDI SAMSIAR / Sayangsabah

Komen


Berita Berkaitan