Sayang Sabah Facebook

Likes
Sayang Sabah Twitter

11,806

Followers

Sayang Sabah - Portal Berita Negeri Kita

Salleh minopoingat laang okodou montok puru dii kasala momoguno media sosial

12:29am 22/01/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

salleh2-600x450
CYBERJAYA: Laang okodou poontokon kumaa isai-isai puru ih momoguno media sosial montok posuni pongindaraatan kumaa porinta pogun, ka di Montiri Piromutan om Multimedia Datuk Seri Dr Salleh Said Keruak.

Minoboros isido do iti nopo nga wookon koputusan di naanu id mitingan kumoinsan komiti poimbida ih tinuridong di kawawagu montok manalasai ahal kopomogunaan poinsala media sosial ih nirikohonon diiso, di konihab.

Mitingan dilo notindapou nogi di Luyor Pogun Tan Sri Mohamed Apandi Ali om Boyoon Pulis Pogun Tan Sri Khalid Abu Bakar, ka disio id ababayan kopotimpuunan Minggu Media Sosial Malaysia 2016 id Limkokwing University of Teknologi Kreatif do hiti.

Id komiti dilo, poinsuang nogi ih Montiri id Koupisan Luguan Montiri Datuk Seri Azalina Othman Said, Boyoon Monunurat Komontirian Piromutan om Multimedia Datuk Seri Dr Sharifah Zarah Syed Ahmad om Ponorikohon Suruhanjaya Piromutan om Multimedia Malaysia (MCMC) Datuk Seri Dr Halim Shafie.

“Mitingan dilo nokotumboyo do laang okodou poontokon kumaa diolo ih momoguno media sosial montok tuduan paparaat tulun suai om posuni pongindaraaton toi ko pomusarahan amu osonong kumaa porinta,” ka dii Salleh.

Ka disio, komiti dilo nga nokotumboyo nogi do Polis Diraja Malaysia pikikiro papanau ponoriukan miampai MCMC. – BERNAMA

Apa Komen dan Pendapat Anda

Artikel Berkaitan