Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Salasaio kobolihangkangan id suang organisasi di lobi tosonong

 Salleh Said (gibang) mamaso papatahak kointalangan karait “Kobolihangkangan id suang Organisasi’ id Univerisiti Malaysia Sabah (UMS). – foto Alex Mairin

Salleh Said (gibang) mamaso papatahak kointalangan karait “Kobolihangkangan id suang Organisasi’ id Univerisiti Malaysia Sabah (UMS). – foto Alex Mairin

KOTA KINABALU – Kobolihangkangan id suang organisasi aanu salasaion miampai waya tosonong om pisuaian pomusarahan di koimbulai apatut intangan sabagi pingisaman do monginsonong organisasi nokomoi.

Tumanud iso ponoriukan, 10 pihatus mantad kobolihangkangan di aantakan id toiso iso organisasi nopo nga mantad pisuaian pomusarahan, 90 pihatus nopo ahal poingkuro naantakan o pisuaian pomusarahan dilo.

Speaker Walai Koundangan Pogun Sabah, Datuk Seri Mohd. Salleh Said minoboros do toinsanan puru apatut mogintong kobolihangkangan dilo sabagi iso kosiwatan om okon ko pangantob toi ko kobolihangkangan tagayo ih amu milo salasaion maya pongurusan dit tosonong.

“Pomusarahan ku nopo nga apatut tokou mamaramit pisuaian pomusarahan dot toinsanan tulun. Miagal id taman bunga, mulong do ogumu bunga nga wongi dau mogisuai-suai, om ilo noh ih manahak kolumison do taman dilo.

“Sabap dilo, pisuaian okon ko ahal di katangaban tokou nga nunu ih kosuul sorohon tokou do baino, poingkuro tokou mongurus om manalasai pisuaian dilo,” ka disio.

Minoboros isido miagal dilo soira minanahak kointalangan karait “Kobolihangkangan Id Suang Organisasi” id Univerisiti Malaysia Sabah (UMS) do hiti.

Ababayan dilo pinaanjur Kotinanan Tupisor Pongurusan om Profesional Okon Akademik UMS (PPUMS) id Bangunan Canselori, UMS. – Dii Sitti Nor Azizah Talata / SayangSabah

Komen


Berita Berkaitan