Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sakadai zakat minsosondiri, pongindopuan id Sabah nokoingkawas

ZAKAT-NIAGA-600x266

KOTA KINABALU – Kotinanan Koburuon Ekonomi Sabah (Sedco) potilombus papanau tonggungan tumoguang mogisuai-suai kaantaban id koburuon tadon ekonomi pogun maya mogisuai-suai karaja pongindopuan.

Sundung do ingkaa, Ponorikohon dau Datuk Nasir Sakaran minoboros do Sedco sabagi iso kumponi kigoitan do porinta momorlu sokodung mogisuai-suai puru id suang momorikot rikoton do monguhup popoingkawas tadon ekonomi pogun diti.

“Amu tokou kopogidu mantad kotoguan mogisuai-suai kaantaban, nga nunu ih kosuul, kumaraja tokou id iso tinimungan montok mogintong kopio toinsanan karaja awagat aanu tokou boboon,” ka disio.

Minoboros isido miagal dilo id ababayan Panahakan Zakat Pongindopuan Sedco kumaa Kounsil Agama Islam Sabah (Muis) id Wisma Sedco, Kota Kinabalu.

Id ababayan dilo, minopotunui ih Nasir zakat pongindopuan Sedco montok toun kolimpupuson 2013 soginumu RM200,000 kumaa Muis ih linansan ponorikohon dau Datuk Suhaili Said.

Sakadai dilo nopo nga tonggungan do puru dau id suang papanau pongindopuan tumanud kopokionuan do Islam.

Daamot dilo, ka di Suhaili, kumponi kigoitan porinta (GLC) om kumponi minsosondiri id pogun diti nokito haro nodii koingkawason kopurimanan diolo karait tonggungan mambayar zakat. – Dii Sitti Nor Azizah Talata / SayangSabah

Komen


Berita Berkaitan