Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sakadai sikulan papagaan kobolihangkangan kousinan komolohingan

JAME-BANTUAN
KOTA KINABALU: Komolohingan tangaanak sikul ih nakaramit do Sakadai Poimbida Sikulan 1Malaysia minoboros do sakadai dilo kaanu papagaan kobolihangkangan kousinan diolo lolobi soira orikot timpu kotimpuunon sikulan.

Montok songulun molohing tapa, Duanis Joannes, 36, toinsanan koporluan om konunuan sikulan montok tangaanak dau soginumu limo tulun ih poinsikul id sikul tosiriba om menanga laid noh nokosodia mantad podii tulan Kohopod om Duo nakatalib.

“Nakabalanja ku pikikiro RM200 songulun montok momoli toinsanan konunuan sikulan toisso-iso tanak ku kosuang o rasuk, kasut, sitokin om kantung,” ka disio om minoboros do bayaran do yuran id sikul montok tanak dau id Tingkatan ko-2 om Tingkatan ko-3 toun diti soginumu RM70 lobi omurah sokiro piagalon di maso ssinuang id Tingkatan 1 soginumu RM290 di toun nakatalib.

Mulong do ingkaa ka disio, kabarai toiso-iso tanak id sikul tumanud kopokionuan do sikul diolo, haro ih mambarai do ogumu om haro nogi ih okuri, sabap haro sikul di mokianu susumikul momoli rasuk montok pendidikan jasmani om kotinanan kiunoform.

Daamot dilo, tumanud di, Juliana Dominik, 42, nakabalanja disio lobi kurang RM700 montok momoli rasuk, kasut, sitokin om kantung sikul montok apat tanak dau, Daraja 2, tingkatan 1, Tingkatan 2 om Tingkatan 3.

“Kabayar dilo, amu poh okira o bayaran ih pinatatap do bayaran id sikul montok monikid susumikul id sikul meengah, miagal buuk, lencana, nitai, rasuk pendidikan jasmani, rasuk kurung batik poimbida, yuran kotianan molohing om mongingia (PIBG) om okumu po lobih kurang RM200 montok toiso-iso diolo,” ka disio.

Soira nuhot do kaanu toi Sakadai Poimbida Tosopung Sikulan 1Malaysia soginumu RM100 ih patahakon kumaa toiso-iso sumumikul, do popoingkuri winagat balanja diolo, ka di Juliana, mulong do okuri o sakadai miagal dilo nga agayo gatang dilo lolobi kumaa diolo ih aiso pandapatan pointatap. – Dii Monica Gidong / sayangsabah

Komen


Berita Berkaitan