Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sakadai poimbida RM500 riong tanda kosianan porinta

cm31-600x367
TUARAN – Sakadai poinbidaRM500 riong montok mogigion di naantakan do luyud id pogun ngawi di nokotoguang do korumbakan sandad posorili pinopokito kosianan porinta id suang monulung do rayat, ka di Boyoon Montiri Sabah Datuk Seri Musa Aman.
Minoboros isido do, porinta pogun mamaramit pongumuman sakadai poimbida di Luguan Montiri Datuk Seri Najib Razak di songkonihab I nogi iso pokimamahaan totulid do porinta monulung papagaan tonggungan mogigion naantakan do luyud.
“Iti (sakadai poimbida) pinopokito kosianan di takawas kopio do songulun luguan montiri kumaa rayat id suang kowowoyoon nadalaan do babaino id pogun ngawi di nogompitan
“Sakadai poimbida diti pointantu noh kopio nokotunud do timpu om lumansan tokou ilo nopo nga kaanu papagaan tonggungan toinsanan pogun di nokotoguang kobolihangkangan do luyud,” ka disio kumaa maganu khabar id ababayan Walai Poingukab Krismas Koisaan Pasokmomogun Kadazandusun Murut Bersatu (UPKO) id Kiulu, hiti di konihab.
Soginumu 10 pogun nogompitan do luyud mantad po pintanggan tulan diti, ino nopo nga id Kelantan, Terengganu, Perlis, Perak, Pahang, Kedah, Johor, Negeri Sembilan, Selangor om Sabah, pinopohompit lobi 130,000 tulun pinoundaliu id longkod poundolihan luyud.
Luyud id Sabah I pinopohompit watas Beaufort om Tenom, nokotonduli di ko 24 tulan Kohopod om Duo nakatalib om id Perlis om Selangor nokotonduli di konihab miampai toinsanan longkod poundolihan tinutuban.
Ontok pinoboros sakadai poimbida dilo songkonihab, minoboros I Najib do sakadai RM500 riong dino popohompit sakadai montok tulun dii walai diolo naantakan do luyud om padsakaian naraag sabap no do luyud.
Poingkuro po, ka disio, ilo nopo nga amu popohompit sakadai di pinatantu kalapas dilo montok monginsonong kinaraagan institusi balajaran, louting porinta, masjid, surau om suai po. – BERNAMA

Komen


Berita Berkaitan