Sayang Sabah Facebook

Likes
Sayang Sabah Twitter

11,695

Followers

Sayang Sabah - Portal Berita Negeri Kita

Sakadai kumaa di Najib mimang mantad Arab Saudi

9:50am 16/04/2016 Maryann 0 views Abal Kinoyonon,Kinoyonon,Kota Kinabalu

najibb-600x367
ISTANBUL – TURKI. Montiri Labus Arab Saudi, Adel Al-Jubeir tadau baino minangakun do sakadai derma kumaa Luguan Montiri, Datuk Seri Najib Tun Razak, mimang mantad pogun dilo.

“Kopuriman yahai do derma dilo om mimang pointopot sakadai dilo miampai amu lumansan do nunu-nunu balasan. Kopuriman nogi yahai do Luyor Pogun Malaysia minopoindalan ponoriukan tosorisid karait ahal dilo om nokito amu nakasala.

“Sabap dilo, noilaan dahai, ahal dilo nosompon noh,” ka disio kumaa maganu habar Malaysia do hiti di tadau Kaapat.

Pogulu dilo, Adel minapaharo pirubaan duo misulak miampai dii Najib id labus Sidang Kemuncak Kotinanan Piuhupan Islam (OIC) ko-13 do hiti.

Luyor Pogun Tan Sri Mohamed Apandi Ali, ontok tadau ko-26 tulan Koiso nakatalib minomorisi di Najib mantad nunu nopo kasalaan karait ponoriukan kumaa SRC International Sdn Bhd om dana RM2.6 bilion ih binoros do pinosuang id akaun sondiri di Luguan Montiri.

Minoboros ih Mohamed Apandi do ponoriukan minopokito do ginumu di pinosuang id akaun sondiri nopo nga RM2.08 bilion, om ilo nopo nga sakadai sondiri mantad paganakan diraja Saudi toun 2013, om RM2.03 bilion pinoguli kawagu kumaa minopotoluod dilo toun di miagal. – BERNAMA

Apa Komen dan Pendapat Anda

Artikel Berkaitan