Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

SAFA pinopointutun pamaian kawawagu Tiim Sabah

11:11am 24/01/2016 Maryann 0 views Abal Kinoyonon,Kinoyonon,Kota Kinabalu,Sipoot

safa
KOTA KINABALU: Kotinanan Mimbuul Pogun Sabah (SAFA) minopotimpuun jersi kawawagu Tiim Rhinos om minopointutun tongo pamain om tupisor kawawagu tiim dilo, konihab.

Tumanud Kumoduo Porosidin 2 SAFA , Datuk Lawrence Gimbang, ginumu pamain di pinili montok mongobi SAFA nopo nga tangaanak pogun diti.

“Soginumu 17 tanak mantad Sabah pinili om ginumu pamain mantad Semenanjung ningkurian kumaa apat mantad 10 tulun di nakatalib,” ka disio.

Sinunudan nogi dii Lawrence o toinsanan pamain tiim Sabah mooi tumilombus manahak pingisaman takawas om haro kowowoyoon tosonong mooi kosiliu pamain di kalantoi.

Minoboros isido miagal dilo soira minanahak boboroson id Ababayan Kopotimpuunan Jersi om Kopointutunan Mimbuul Pogun Sabah 2016, id Hotel Le Meridien, do hiti di konihab.

Id ababayan dilo, pinoilo nogi dii Lawrence do SAFA toun diti minanganu apat tulun pamain mantad labus, ilo nopo nga mantad Indonesia, Nigeria, Brazil om Rusia.

Daamot dilo Pongurus Tiim Sabah, Datuk Nizam Abu Bakar Titingan minoboros do intangan kopio disio toinsanan pamain tiim Sabah kaanu manahak pingisaman di tosonong om lobi kidisiplin montok tiim Sabah toun diti.

Ababayan dilo pinotimpuun dii Boyoon Montiri Sabah, Datuk Seri Panglima Musa Hj Aman. – Dii Elezebeth Esther/ SayangSabah

Apa Komen dan Pendapat Anda

Artikel Berkaitan