Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sabah potimporon pongitanan goos osonong “Sunduan 1Malaysia”

Muhyiddin (duo mangad gibang) papatahak replika cek soginumu RM20,000 kumaa lalansanon Kampung Gong Baru / Tok Nasek, Kuala Terengganu, Terengganu ih nakalantoi tukad koiso Pongurusan Rukun Tetangga. Okito nogi ih Musa (gibang) om Kurup (tolu mangad wanan)– foto Jabatan Penerangan
Muhyiddin (duo mangad gibang) papatahak replika cek soginumu RM20,000 kumaa lalansanon Kampung Gong Baru / Tok Nasek, Kuala Terengganu, Terengganu ih nakalantoi tukad koiso Pongurusan Rukun Tetangga. Okito nogi ih Musa (gibang) om Kurup (tolu mangad wanan)– foto Jabatan Penerangan

KOTA KINABALU – Koisaan id pisuaian nosiliu koubasanan lobi 32 tinaru id Sabah ginuno sabagi popogirot piuludan id tanga rayat pogun diti do tumilombus popoingkawas piuludan.

Boyoon Montiri Datuk Seri Musa Aman minoboros do kopuriman o porinta do montok mamajamin kotilombus o kotundaan id pongu diti, sunduan piuludan di ogirot om pisaan di osonong id tanga momuruan om rayat id toinsanan bohogian.

“Soira mimboros tokou ahal karait piuludan do rayat, iyati id Sabah do solinaid diti poimpasi miampai kowowoyoon di osonong om oulud mulong do mantad mogisuai-suai tinaru, ugama om koubasanan tokou.

“Om Luguan Montiri Datuk Seri Najib Tun Razak nga nakaakun om minktirap do Sabah nopo nga pongitanan goos osonong sunduan 1Malaysia,” ka disio.

Minoboros isido miagal dilo soira minanahak boboroson id ababayan Anugerah Perdana Rukun Tetangga id Walai Koundangan Pogun Sabah ih pinotimpuun Kumoduo Luguan Montiri Tan Sri Muhyiddin Yassin id Walai Koundangan Pogun Sabah, hiti di kawawagu.

Ababayan dilo pinapanau Koupisan Piuludan Pogun om Integrasi Nasional (Koupisan Luguan Montiri) miampai ponguhupan porinta pogun Sabah.

Nokorikot nogi ih Montiri id Koupisan Luguan Montiri Tan Sri Joseph Kurup om piro-piro montiri Kabinet pogun.
Ka di Musa, porinta pogun mamaramit nunu nopo pingisaman om ababayan kosuang nogi ih pinapanau do Koupisan Piuludan Pogun om Integerasi Nasional (JPNIN) lolobi maya Komiti Rukun Tetangga. – Dii Sitti Nor Azizah Talata / SayangSabah

Komen


Berita Berkaitan