Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sabah Poinsodia tumoguang kaantakan luyud: Musa

sdkn-3-600x243

SANDAKAN – Toinsanan tupisor watas id pogun diti nosunudan do mingat-ingat om sumodia tumoguang kaantakan luyud, ka di Boyoon Montiri Sabah Datuk Seri Musa Aman.

Kosuul o posodiaan dilo miampai monumpuan manahak ponguhupan kumaa mogigion di naantakan do luyud om popoundaliu diolo id longkod poundolihan sokiro oporlu, ka disio.

Minoboros ih Musa do, nosuhu noh disio ih Monunurat Porinta Pogun Tan Sri Sukarti Wakiman sabagi Ponorikohon Bencana Alam pogun do mogintong posodiaan id toinsanan watas lolobi id kinoyonon dii insaru oluyudan.

“Toinsanan puru porinta pogun om longkod nga apatu manahak ponguhupan om sakadai kumaa mogigion dii noontok do luyud,” ka disio soira rinuba maganu habar kalapas panahakan sijil Sistem Latihan Dual Nasional (SLDN) om Sijil 1Azam, hiti di konihab.

Soginumu 38 susumikul Institut Eisteddfod Sandakan nakaramit sijil SLDN om 269 nakaramit sijil 1Azam.

Ka di Musa, tadau baino (konihab) duo watas id pogun diti nokotoguang luyud, id Kota Belud om Tawau ih minapaampai mogigion noontok luyud pinoundaliu id longkod poundolihan daamot.

Komen


Berita Berkaitan