Sayang Sabah Facebook

Likes
Sayang Sabah Twitter

11,808

Followers

Sayang Sabah - Portal Berita Negeri Kita

Sabah pogun koiso potimpun IBS

12:54pm 09/01/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

ibs 2015
KOTA KINABALU: Sabah nokoimbulai pogun koiso id Malaysia minopotimpuun Indeks Komulakan dau kalapas nokotimpuun Indeks Komulakan Malaysia (IBM) tadau ko-8 tulan Kosiam toun nakatalib dii Montiri Komulakan om Sipoot Khairy Jamaluddin.

Ababayan kopotimpuunan indeks pinungaranan, Indeks Belia Sabah (IBS) 2015, dilo notindapou Kumoduo Boyoon Montiri Sabah Datuk Seri Yahya Hussin, Khairy om Montiri Komulakan om Sipoot Sabah Datuk Tawfiq Abu Bakar Titingan, pinoimagon di Boyon Montiri Sabah Datuk Seri Musa Aman.

Miampai haro IBS, kaanu silihon sabaagi pogintangan montok monukat gontob koinsonongon koposion komulakan di pogun diti om posodia input montok momonsoi polisi toi ko impohon montok kotundaan holistik tinimungan dilo.

Indeks dilo nga kaanu potunud palan tindakan montok poingkawas koinsonongon koposion komulakan id Sabah om sabaagi indikator montok monukat kosigompoton Dasar Komulakan Malaysia om Dasar Komulakan Sabah.

Musa id boboroson dau mongunsikou kumaa Komontirian Komulakan om Sipoot Sabah, Longkod Ponoriukan Kotundaan Komulakan Malaysia (IYRES) om Komontirian Komulakan om Sipoot Malaysia sabap pingiaman takawas om piuhupan tosonong diolo papalantoi kopoindalanan do IBS.

Ka disio, porinta pogun tumilombus manahak sokodung nunu nopo pingisaman montok poingkawas komilaan om kapakaran do komulakan ih ponogi aset kigatang montok monuang kumaa kotundaan om komogoton pogun Sabah.

Tumanud disio, kopiagal dilo prinsip porinta pogun ih osuau kumaa komulakan om kopiagal dilo koporluan ‘penurunan kuasa’ om konsep ‘Mantad Komulakan Kumaa Komulakan’, porinta pogun tumilombus manahak kotumbayaan om poingkawas Kounsil Komulakan Sabah (MBS) miampai 14 puru gabungan dau mamalan om papanau ababayan komulakan ih kosudong do aspirasi komulakan do babaino diti. – BERNAMA

Apa Komen dan Pendapat Anda

Artikel Berkaitan