Sayang Sabah Facebook

Likes
Sayang Sabah Twitter

11,793

Followers

Sayang Sabah - Portal Berita Negeri Kita

Sabah pikikiro lobi aahub mimpuun do suab gisom tadau Kaapat

12:18am 10/04/2016 Maryann 7 views Abal Kinoyonon,Kinoyonon,Kota Kinabalu

hujan-600x450
TUARAN: Sabah pikikiro kotoguang kowowoyoon di aahub miampai rasam sororuhai-ruhai mimpuun tadau suab gisom Kaapat abantalan, ka di Montiri Sains, Tiknologi om Inovasi Datuk Madius Tangau.

Ka disio tumanud ramalan do Koupisan Meteorologi Malaysia (MetMalaysia), karaja poniraman haun id Sabah montok monoibau lisohu id piro-piro kinoyonon pogun diti amu doti papanahon sokiro rumasam.

“Tadau baino, nakarasam id piro-piro kinoyonon pogun diti kosuang id Sandakan, tisan kotonobon om ponongsokid,” ka disio kumaa maganu habar kalapas minopotimpuun Tutungkap Balajaran pinaanjur Tupis Watas Tuaran do hiti, tadau baino.

Soira nuhot karait karaja poniraman do haun, ka disio puru dau miampai ponguhupan do MetMalaysia om Susumangod Udara Diraja Malaysia nokopoindalan noh do karaja dilo montok paparasam id kinoyonon Beaufort gisom Penampang.

Poingkuro po, karaja dilo nakaanu noh minaparasam solinaid 30 minit sabap okuri o tawan om ponit kumulus manara id tawan Sabah.

Daamot dilo Madius ih ponogi Puru Parlimen Tuaran minoposorou kumaa rayat Sabah mooi amu modtutud lolobi id timpu magadau sabap oruhai kosikit o tapui.

Ka disio, limo watas id Sabah nokosuang id gontob 1 ilo nopo nga id kowowoyoon miintong intong sabap minoposurat do linasu goos takawas id pialatan 35 gisom 37 darjah Celcius solinaid tolu tadau misusuhut. Limo watas dilo nopo nga Beaufort, Keningau, Kota Belud, Kota Marudu om Beluran. – BERNAMA

Apa Komen dan Pendapat Anda

Artikel Berkaitan