Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Sabah paanjur pialaan Angkat Berat Kabansaan 2015

12:21am 17/12/2015 Maryann 1 views Abal Kinoyonon,Berita Pilihan,Kinoyonon,Kota Kinabalu,Sipoot

tawfiq
KOTA KINABALU: Soginumu 187 tulun atlet mantad 16 tinimungan Koisaan Angkat Berat Malaysia tumanud id ababayan pialaan Angkat Berat Kabansaan montok toun 2015.

Pialaan solinaid apat tadau dilo mmimpuun ontok tadau ko-15 gisom 18 tulan Kohopod om Duo kapaampai duo bohogian ilo nopo nga bohogian poingukab om bohogian komulakan.

Montiri Komulakan om Sipoot Datuk Hj. Tawfiq DSP Hj. Abu Bakar Titingan minoboros do pialaan dilo iso impohon montok popoingkawas kaangayan do atlet ngawi montok tumoguang temasya sipoot tagayo id nayatan Asia Tenggara ilo nopo nga Sipoot SEA.

“Malaysia kosiliu manangwalai kumaa Sipoot SEA toun 2017 om alansan oku Koisaan Angkat Berat Malaysia popilipat pingisaman montok poingkawas kaangayan atlit diolo,” ka disio.

Ka disio, pialaan do baino diti nga sabaagi porsodiaan montok tumogiang pogumbalan id temasya Sipoot Malaysia id Kuching Sarawak toun abantalan.

Minoboros isido miagal dilo soira minopotimpuun pialaan dilo id Event Hall Star City, Asia City, Kota Kinabalu.- Dii Leolerry Lajius/Sayang Sabah

Apa Komen dan Pendapat Anda

Artikel Berkaitan