Sayang Sabah Facebook

Likes
Sayang Sabah Twitter

11,746

Followers

Sayang Sabah - Portal Berita Negeri Kita

Sabah nointutunan sabaagi ‘Best Pay-master’ : Musa

1:23pm 26/04/2016 Maryann 0 views Abal Kinoyonon,Kinoyonon,Kota Kinabalu

musa
KOTA KINABALU: Sabah nointutunan miampai pamarait ‘The Best Pay-master’ id suang momonsoi pambaraian kawagu pangalasan kumaa koporintaa pisompuruan, ka di Boyoon Montiri Datuk Seri Musa Aman.

Musa ih ponogi Montiri Kousinan Sabah minoboros do porinta pogun momonsoi pambaraian anuiti pangalasan tumanud timpu di pinatatap miampai aiso tunggakan gisom tadau baino.

“Kaangayan om ningkokoton do porinta pogun momoruhang kotumbayaan do porinta pisompuruan popoolos id ginumu di agayo om miampai komudahan do pangalasan diti papaanu porojik kotundaan koindalan montok kosimbayanon do rayat,” ka disio soira minopolombus boboroson pongulungan montok Komontirian Kousinan id pitimungan walai koundangan pogun do hiti.

Tumanud di Musa soginumu RM2,598,860,360.05 topod noolos gisom ko-31 tulan Kohopod om Duo toun nakatalib om topod noolos dilo nopo nga noolos mantad toun 1991.

Ka disio sombohogian mantad noolos dilo nopo nga montok mongusin porojik komudahan asas miagal waig om sombohogian nopo ng amontok siktor pomuwalaian om pomorunan.

Tumanud disio, pogun suai nga nakaanu nogi komudahan pangalasan dilo om Sabah maganu kowiwatan do momoguno poimponu komudahan pangalasan dilo.

“Piromutan tosonong id tanga porinta pogun om pisompuruan poposinang do tokou molos do tusin montok mongusin mogisuai-suai porojik kotundaan id pogun diti, ka disio.

Mongunsikou nogi isido kumaa porinta pisompuruan sabap minoposodia poruntukan tagayo montok Sabah id suang geran om sakadai poimbida. – BERNAMA

Apa Komen dan Pendapat Anda

Artikel Berkaitan