Sayang Sabah Facebook

Likes
Sayang Sabah Twitter

11,805

Followers

Sayang Sabah - Portal Berita Negeri Kita

Sabah momoruhang ginayo kinoyonon tamangan poimponu kumaa 30 piatus

2:05pm 12/11/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

hutan
KOTA KINABALU: Sabah id wayaan montok papagayo tukuran Kinoyonon Tamangan Poimponu (KPP) kumaa 30 pihatus mantad ginayo tana pogun id suang timpu hopod toun po, ka di Boyoon Montiri Datuk Seri Musa Aman.

Pinolombus disio topurimanan ounsikou mantad no do gisom baino diti 21 pihatus tana pogun diti nokoimagon sabaagi KPP, nokopogowit dino di tosonong id Malaysia om kinoyonon.

Ka disido pihotusan popohompit rikoton 10 pihatus Koisaan Sompomogunan montok Pomogompian Sandad Posorili om rikoton 17 pihatus mogisuai-suai kawo ekosistem Konvensyen Kopogisuai-suaian Biologi.

Minoboros i Musa dilo ontok minopotimpuun International Conference on Bridging Heart of Borneo (HoB) Landscapes and Beyond through Healthy Watershed Corridors om Sabah’s Ramsar Conference, do hiti di konihab.

Nokotindapou nogi ih monontuduk Tropical Rainforest Conservation and Research Centre (TRCRC) Bhd, Tun Abdullah Ahmad Badawi; Ponorikohon TRCRC Bhd Tun Jeanne Abdullah om Potunud Koupisan Gouton Sabah Datuk Sam Mannan.

Minoboros ih Musa porinta pogun maya koupisan gouton mokimamaha kumaa pokimamahaan HoB, nogi popotounda apat riong hektar tana pogun i popohompit gouton ekosistem tana takawas om sokid.

“Pokimamahaan dilo kopitanud miampai misi koupisan gouton tumanud prinsip kosudangan ponorinaan gouton pomogompian kopogisuai-suaian bio,” ka disido.

Minoboros isido do kalantaian suai i naanu do Sabah id suang karaja ngawi pomogompian nopo nga Konvensyen Ramsar kokomoi tana papas popohompit do onom tampat Ramsar id Malaysia; om Tana Papas mintingisan Kinabatangan-Segama nopo nga i tagayo popohompit tolu pias pinoopi.

Karait pitimbungakan dino Boyoon Montiri Sabah minoboros, ino nosiliu impohon kumaa tutumanud mongintutun kopio sinergi kumaa pokimamahaan di haro no laid kogompit pomogompian watas legeh id suang pialatan koridor ekologi mantad landskap Hob kumaa rahat. – BERNAMA

Apa Komen dan Pendapat Anda

Artikel Berkaitan