Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sabah minoposurat susuian kotimpuunan Porojik Tagayo Ralan Magayo Pan Borneo

24 pan-borneo-1-600x366
PAPAR: Sabah di tadau Minggu minoposurat susuian kosuul soira porojik tagayo Ralan Magayo Pan Borneo Sabah pinotimpuun di Luguan Montiri Datuk Seri Najib Tun Razak id Kampung Andus do hiti.

Pikikiro 20,000 rayat nokotindapou minooi sasi karamaian kopotimpuunan dilo ih notindapou nogi di Boyoon Montiri Sabah Datuk Seri Musa Aman.

Id ababayan dilo, minapaharo nogi ih Najib do pitimungan video miampai rayat di watas Tawau, Sandakan, Keningau om Kudat sabagi simbolik kopotimpuunan jajaran ralanmagayo kininaru 1,236 kilometer dilo.

Pisidangan video solinaid 15 minit dilo toiso-iso binuruan dii veteran UMNO Sandakan Tan Sri Ampong Puyon, puru walai koundangan pogun Tanjung Batu, Sandakan Datuk Hamisa Samat, Tupisor Watas Keningau Yusop Osman om Tupisor Watas Kudat Sapli Ibrahim.

Pisidangan video dilo pinaharo montok manahak kosiwatan kumaa rayat id kinoyonon dilo polombus kounsikahan kumaa porinta sabap pingisaman do momonsoi ralan magayo dilo.

Nokotindapou id ababayan dilo Montiri Karaja Tagayo Datuk Seri Fadillah Yusof, Kumoduo Boyoon Montiri Sabah Tan Sri Joseph Pairin Kitingan, Montiri Piromutan om Multimedia Datuk Seri Dr Salleh Said Keruak om montiri ngawi Kabinet Sabah om Pisompuruan. – BERNAMA

Komen


Berita Berkaitan