Sayang Sabah Facebook

Likes
Sayang Sabah Twitter

11,702

Followers

Sayang Sabah - Portal Berita Negeri Kita

Sabah minoposurat pihotusan goos takawas kiis HIV

9:45pm 24/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

jainab
KOTA KINABALU: Sabah minoposurat pihotusan goos takawas kiis HIV piagalon id pogun ngawi do suai.

Tumanud pongintaban di pinalabus do Koupisan Kolidasan Pogun Sabah mantad toun 1991 gusom toun 2015, soginumu 2281 kiis HIV pinosurat kapaampai 89.6 pihatus kiis Heteroseksual, 3.2 pihatus kiis Homoseksual om Biseksual.

Montiri Kotundaan Mogigion om Ahal Momoguno Datuk Seri Panglima Jainab Hj. Ahmad Ayid, minoboros do kiis HIV id pogun diti minoposurat pihotusan goos takawas piagalon id pogun ngawi do suai om apatut onuan pogintangan montok manalasai tosisikap.

“Kiis diti apatut onuan pogintangan pointopot om komontirian ku nga mamaso paharo pibarasan miampai puru komontirian balajaran mooi papanau ababayan toi ko kopoilaan miampai manahak ponumpuan kumaa susumikul karait balajaran seks montok mangalai kotilombus koingkawas kiis diti.

“Amu tokou posuangon om balajaran seks diti id silibus pimbalajaran nga miuhup tokou miampai kotinanan okon ko porinta do papanau ababayan montok manahak kopoilaan om kointalangan kumaa susumikul karait ahal diti,” ka disio.

Minoboros isido miagal dilo kumaa maganu habar kalapas mitingan laang monguyas dadah nayatan pogun Sabah do hiti di baino.

Minoboros ih Jainab do Agensi Anti Dadah Kabansaan (AADK) Sabah minoposurat soginumu 586 kumpilin karait kasalaan adah poimpuli pogun diti lolobib id kinoyonon labus kakadaian poompus toun nakatalib om gunumu dilo nokoingkawas soginumu 37 pihatus piagalon 368 kumpilin di pinosurat pogulu dilo. – SayangSabah

Apa Komen dan Pendapat Anda

Artikel Berkaitan