Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sabah minoposurat ginumu mogontian komulakan

jainab
KOTA KINABALU: Sabah nokoposurat takawas no kopio kiis mogontian komulakan id Malaysia poompus toun nakatalib, ka di Montiri Kotundaan Mogigion om Ahal Momoguno Datuk Jainab Ahmad.

Minoboros isido, pongintaban di nokosurat Koupisan Kolidasan toun 2014 dilo nopo nga tinimungan komulakan kiumur 10 gisom 19 toun nokohompit iyolo ih nakasawo om amu poh nakasawo.

“Sabah nopo nga pogun di takawas id Malaysia diti nokoposurat kiis mogontian id tinimungan komulakan ilo nopo nga soginumu 4,795 tulun di toun nakatalib.

“Mantad ginumu dilo, soginumu 391 komulakan mogontian amu nakasawo om 4,404 tulun nopo nga komulakan nakasawo,” ka disio soira rinuba maganu habar kalapas minopotimpuun Ponutuban Wacana Koponoriukan Faktor Kantakan om Panamangan Kumaa Kolidasan Seksual om Reproduktif Komulakan id Sabah om Sarawak, id Hotel Promenade, do hiti.

Minoboros i Jainab do pogun koduo takawas nokoposurat ginumu kiis mogontian nopo nga Sarawak, sinusuut do Johor, Selangor, Perak, Pahang om pogun ngawi do suai id Malaysia diti. – Elezebeth Esther/ Sayang Sabah

Komen


Berita Berkaitan