Sayang Sabah Facebook

Likes
Sayang Sabah Twitter

11,807

Followers

Sayang Sabah - Portal Berita Negeri Kita

Sabah manangwalai Konvensyen Permukiman Pensijilan Tulun ASEAN Kumoiso

9:20pm 08/11/2015 Maryann 0 views Abal Kinoyonon,Kinoyonon,Kota Kinabalu

asean
KOTA KINABALU: Sabah pikikiro kosiliu manangwalai Konvensyen Pemukiman Pensijilan Orang ISO/IEC17204 ASEAN kumoinsan mimpuun tadau ko-25 tulan Kohopod om Iso diti.

Ponorikohon Lombaga Kotombuluian Sabah (STB) Datuk Joniston Bangkuai minoboros do konvensyen tolu tadau dilo pikikiro otindapou 150 puru lalansanon mantad pogun ngawi ASEAN.

Pinaanjur ilo miampai Biro Pensijilan Orang Sompomogunan (IPEC), iso kotinanan palabus modal insan, om Koupisan Standard Malaysia.

“Otood o STB nosiliu sombohogian mantad ababayan di agayo rati manahak pamantangan kumaa toinsanan pogun puru ASEAN,” ka disio id pitimungan habar do hiti.

Minoboros isido do ponsijilan standard sompomogunan dilo kaanu silihon do tuod tagayo poimbulai kopurimanan tutumombului mantad porkhidmatan di pinosodia do pongiat pomorunan sabaagi laang poingkawas standard om kosudongon kukumaraja id kaganaan kotombuluian.

“Iti nopo nga pomusarahan tosonong ih kaanu manahak ponguhupan poingkawas kukumaraja tokou kumaa id gontob di lobi takawas om nogi posodia kosiwatan tosonong miolon pomusarahan id tanga tupisor mantad pogun puru ASEAN,” ka disio. – BERNAMA

Apa Komen dan Pendapat Anda

Artikel Berkaitan