Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sabah kotilombus pilian kinoyonon tutumombului do mamaramit toun wagu

pelancong
KOTA KINABALU – Montok duo tutumombului koonduan mantad Brazil om Russia, Luciana Fiztarol, 30, om Anna Kovaleva, 28, ih sinakai kapal AirAsia mantad China kumaa id Kota Kinabalu, posontobon diolo ginawo om otumbayaan do nasip.
Tumanud diolo, koduo-duo diolo kipomusarahan do mundaliu sumakai kapal do suai sabap tumongob kosorou nunu ih naantakan di kapal AirAsia QZ8501 id Surabaya di kawawagu.
Sundung do ingkaa, naadang dilo om kakal tumilombus tinulud ikumaa Kota Kinabalu momoguno AirAsia mantad China sasabap manu mamaramit toun wagu om mimpanau id pogun diti solinaid apat tadau.
“Kopurimanan do modosi om tumongob mimang haro soira korongou nunu ih naantakan amu osononng kapal AirAsia QZ8501. Nga poingkuro poh, ilo nopo nga nasip om aantakan do isai-isai nopo,” ka disio kumaa SayangSabah id Jeti Jesselton Point, Kota Kinabalu, hiti di konihab.
Ka di Luciana, pinili diolo wayaan mantad China kumaa Kota Kinabalu sabap omura o tambang sokiro piagalon id pogun do suai, kosuang id pogun dau Brazil.
Daamot dilo, tambalut disio, Anna mantad Russia minoboros do mantad poh di gulu yolo minomili mamaramit toun wagu id Sabah.
“Sabap dilo, tinombului yahai di pogun diti om mongoi pingkaau id piro-piro pulau diti toun wagu.
“Mulong do osodu mantad pogun dahai sondiri nga pamaramaian toun wagu aiso pisuaian do hinombo tokou nopo. Montok doho nunu ih kosuul mamaramai tokou toun wagu miampai ginawo di otood,” ka disio. – Dii Sitti Nor Azizah Talata / SayangSabah
pelancon 2

Komen


Berita Berkaitan