Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

Sabah kaanu sumiliu pogun kiningkokoton osonong id sipoot

Tawfiq Abu Bakar Titingan (tanga) guminambar miampai mamaramit ngawi Anugerah Sipoot Montok Toinsanan (ASUS) 2014. – foto Ille Tugimin
Tawfiq Abu Bakar Titingan (tanga) guminambar miampai mamaramit ngawi Anugerah Sipoot Montok Toinsanan (ASUS) 2014. – foto Ille Tugimin

KOTA KINABALU – Poonjuran Sipoot Montok Toinsanan toi ko Sipoot MASSA iso pomusarahan goos osonong id suang monguhup porinta pogun poposiliu Sabah sabagi iso pogun di kiningkokoton osonong id sipoot.

Montiri Komulakan om Sipoot Pogun, Datuk Tawfiq Abu Bakar Titingan minoboros do miampai hontolon do popiinsomok sipoot montok toinsanan, Sipoot MASSA nopo nga kosudong silihon koubasanan id koposion.

Sabap ka disio, sipoot miagal diti haro kogoitan do kolidasan om monguyat tinan toiso-iso mogigion migal ababayan Fit Malaysia ih nokotimpuun toun nakatalib, mogusa, mimbosikol om senamrobik.

Ka disio, tumanud pongintaban obesiti toi ko noindamaan olombon id pogun diti di toun 2011, poporuput 15.1 pihatus rayat Malaysia kiumur id sawat 18 toun nopo nga obes, potilombus popokito kinoingkawason piagalon 14.6 pihatus di toun 2006.

“Sipoot MASSA nga kaanu papalabus mogigion di kibakat id kaganaan sipoot nokomoi id nayatan kampong. Sabap dilo, porinta do baino diti monokodung nunu nopo ababayan i mangan papanaho kotinanan montok popotunda Sipoot MASSA id pogun diti,” ka disio.

Minoboros isido miagal dilo soira minanahak boboroson id Ababayan Anugerah Sipoot Montok Toinsanan 2015 Nayatan Pogun Saba, hiti di konihab.

Nakaampai nogi Potunud Koupisan Komulakan om Sipoot (Pisompuruan) Pogun Sabah, Datuk Mohd. Dahali Matsin.

Ka di, porinta maya komontirian disio kasasari tumilombus minggisom popotunda sipoot pogun diti. – SayangSabah

Komen


Berita Berkaitan