Sayang Sabah Facebook

Likes
Sayang Sabah Twitter

11,813

Followers

Sayang Sabah - Portal Berita Negeri Kita

RTM papanau pongiwoguan kosolimbahan TV, ruhangan timpu habar mantad Sabah, Sarawak – Salleh

1:29pm 02/01/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

salleh
KUALA LUMPUR: Id suang pingisaman posiliu kosolimbahan habar 24 jam, Radio Televisyen Malaysia (RTM) poimpuun koukaban kawawagu 2016 miampai papanau ogumu pongiwoguan kosolimbahan TV, kosuang momoruhang timpu kosolimbahan potilombus habar mantad Sabah om Sarawak.

Montiri Piromutan om Multimedia Datuk Seri Dr Salleh Said Keruak minoboros do montok inisiatif dilo, RTM pikikiro momoruhang timpu linaid habar Berita Ehwal Semasa 1 (BES1) doung kosuabon mantad pukul 7 kosuabon gisom 10 kosuabon miampai Berita Nasional 7 solinaid sanjaam tonudon do ‘Selamat Pagi Malaysia’ toi ko ‘Kopisanangan Kosuabon Malaysia’ gisom 10 kosuabon.

“Berita Nasional 7 kosuabon ruhangan timpu kosolimbahan montok ruputan potilombus mantad Sabah om Sarawak kumaa 15 minit montok toiso-iso pogun monikid tadau, piagalon 10 noh minit id timpu diti,” ka disio id iso kointalangan do hiti di konihab.

Karait ponuangan bahan mantad Sabah om Sarawak, ka dii Salleh, pomoruhangan suang habar kosuang ruputan karaja om ababayan di pinapanau poimpuli pogun, ruputan sumusuhut kinaantakan, ahal toi ko kopoilaan porinta om ruputan poimbida.

Rumikot Pomilian Tagayo Pogun Sarawak amu noh alaid mantad baino, ka disio kosolimbahan habar pikikiro manahak tumpuan kumaa kointalangan karait pomilian tagayo om nogi kointutunan toiso-iso kinoyonon di pialaan.

Montok Sabah ka di Salleh, RTM mogowit ruputan mogisuai-suai ababayan toi ko ahal monikid kinoyonon om karait koumoligan kapaampai Kinoyonon Koumoligan Poimbida Tisan Kosilahon Sabah (ESSCOM) om Polis Diraja Malaysia (PDRM) id timpu timpu.

“Berita Nasional 5 ih kosolimbou solinaid sanjaam mantad pukul 5 sosodopon mogowit ruputan potilombus mantad apat pogun monikid tadau ih manahak ponumpuan kumaa ahal mamaso id pogun nokomoi,” ka disio.

Apat pogun dilo nopo nga Kuala Lumpur, Sabah, Sarawak o miso pogun suai ih mogisosowoli. – BERNAMA

Apa Komen dan Pendapat Anda

Artikel Berkaitan