Sayang Sabah Facebook

Likes
Sayang Sabah Twitter

11,786

Followers

Sayang Sabah - Portal Berita Negeri Kita

RTM paatag poimbulai kosolimbahan habar TV poimponu

2:06am 31/12/2015 Maryann 0 views Abal Kinoyonon,Berita Pilihan,Kinoyonon,Kota Kinabalu

salleh rtm
JAKARTA: Radio Televisyen Malaysia (RTM) paatag poimbulai kosolimbahan habar TV poimponu soira karaja kopoundolihan sistom analog kumaa digital opongoh poimponu.

Montiri Piromutan om Multimedia Datuk Seri Dr Salleh Said Keruak minoboros do kopoimbulaian kosolimbahan dilo lansanon kaanu poingkawas poh kawagu panahakan kointalangan om kointalangan karait ahal di koborulong do rayat.

“Sundung haro noh kosolimbahan habar Bernama TV ih oukaban 24 jam (maya Astro), nga kakal haro ogumu ahal di pinoimbulai puruu pointantu ih oporlu onuan kointalangan poimponu tumanud kointalangan di pointopot.

“Sabap dilo, RTM kiatag poimbulai kosolimbahan habar TV poimponu montok monguhup pawaya kointalangan mooi rayat kosuang id labus kakadaian amu oborulong, lolobi kapaampai ahal nasional.

Karait pionsitan do fungsi id tanga Bernama TV om habar TV RTM amu koimbulai sabap koduo-duo kosolimbahan dilo kaanu miuhup tiso om tiso,” ka disio.

Minoboros ih Salleh miagal dilo kumaa maganu habar kalapas tinombului om minoi intong do studio kosolimbahan longkod tupis Metro TV do hiti di konihab.

Nokotindapou nogi ih Kumoduo Boyoon Monunurat (Impohon) Komontirian Piromutan om Multimedia Datuk Mohid Mohamed, Monunurat Bohogian Kotundaan Kamarudin Abdul Rani, Potunud Habar Ahal Mamaso Koupisan Kosolimbahan Malaysia Wan Bukhari Wan Daud om Potunud Habar Metro TV Suryopratomo. – BERNAMA

Apa Komen dan Pendapat Anda

Artikel Berkaitan