Sayang Sabah Facebook

Likes
Sayang Sabah Twitter

11,800

Followers

Sayang Sabah - Portal Berita Negeri Kita

Rotio pononsunudan maya Karamaian Kaamatan: Musa

12:27pm 02/05/2016 Maryann 0 views Abal Kinoyonon,Berita Pilihan,Kinoyonon,Kota Kinabalu

musa kaamatan
TENOM: Boyoon Montiri Sabah Datuk Seri Musa Aman minokianu kumaa toinsanan rayat id pogun diti do mamarati pononsunudan kosuul id sambalik tema Karamaian Kaamatan toun diti, ilo nopo nga ‘Kaamanan om Piombolutan’.

Ka disio, ilo nopo nga wookon do poposorou toinsanan rayat pogun diti kosuul kopio pikagasan piombolutan id suang poingkawas om pogirot kosimbayanon rayat mogisuai-suai tinaru, ugama om koubasanan id pogun Sabah.

“Kinorikatan mogigion mantd mogisuai-suai tinaru, ugama om koubasanan id kopotimpuunan Karamaian Tadau Kaamatan nayatan pogun diti pointalang sunduan piobpinaian, piombolutan om piuludan id Sabah nokotilombus.

“Iti popokito sunduan miso kasasari nosiliu koubasanan kopoposion do raya id pogun diti,” ka disio soira minanahak boboroson id karamaian dilo ih notindapou lobi 5,000 tulun ginumuan do hiti di konihab.

Minoboros ih Musa porinta pogun kasasari manahak sokodung kumaa karamaian om ababayankoubasanan id pogun diti montok popogirot piuludan ih nosiliu tuod kotundaan pogun.

“Kopogisuai-suaian koubasanan om tinungkusan lobi 32 tinimungan tinaru id Sabah posiliu pogun diti iso pogun koimayaan om amu doti iti nokoimbulai id tampat do suai.

“Id ahal karamaian Kaamatan, mimang kopiagal dilo pingisaman do porinta poingkawas tinungkusan koubasanan om kosonian kinoyonon.

“Sabap dilo pokionuon ku toinsanan puru do maganu bohogian montok mamaramai poh kawagu do karamaian diti ih pohoroon id mogisuai-suai nayatan poimpuli pogun id suang sombulan,” ka disio. – BERNAMA

Apa Komen dan Pendapat Anda

Artikel Berkaitan