Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

RM95 riong montok monginsonong kinoyonon nokohompit tana noguyu

cek masidi

KOTA KINABALU – Porinta pogun minongintob pikikiro RM95 riong gunoon montok monginsonong om momonsoi mogisuai-suai kinaraagan poimpuli Sabah ih naantakan tana noguyu kotimpuunon tulan nakatalib.

Montiri Kotombuluian, Koubasanan om Ahal Misorili Pogun Datuk Masidi Manjun minoboros do pongintaban dilo naanu asil ruputan tosopung ih winonsoi Komiti Ponginsanangan Korumbakan Sandad Misorili pogun di kawawagu.

“Intangan tokou nogi kinaraagan id toinsanan kinoyonon okon nopo ko id Ranau nga id tampat do suai, kosuang nogi Nabawan gisom Kota Marudu om papaampai 38 sikulan, bangunan porinta om walai sasambayangan,” ka disio id pitimungan habar kalapas minopotimpuun pokikitanan MATTA Sabah 2015 id longkod pomoli-molian Suria Sabah, do hiti di konihab.

Nokorikot nogi Ponorikohon Lembaga Kotombuluian Sabah, Datuk Joniston Bangkuai; Porosidin Kotinanan Operator om Agen Kotombuluian Malaysia, Datuk Hamzah Rahmat om Ponorikohon MATTA Raan Sabah, Robert Chong.

Id ababayan dilo, soginumu RM80,000 pinotoluod kumaa Lembaga Pemegang Amanah Taman-Taman Sabah montok monuang tabung kobajikan mungui noguyu tana. – Dii Sitti Nor Azizah Talata / SayangSabah

Komen


Berita Berkaitan