Kota Kinabalu
Kota Kinabalu
Sandakan
Tawau
Lahad Datu
Keningau
Putatan
Semporna
Kudat
Papar
Ranau
Beaufort
Kota Belud

Sayang Sabah - The voice of Sabahans

RM85,400 montok monginsonong 7 sikul id Sabah, naraag noluyudan

jame-alip-519x500KOTA KINABALU – Soginumu RM85,400 gunoon montok monginsonong kinaraagan harata id sikul kaampai turu sikul tosiriba id duo watas id pogun diti, ilo nopo nga Kota Belud om Tawau.

Sikul nopo dilo nga Sekolah Kebangsaan (SK) Batu 22 (RM20,400); SK Kuala Apas (RM30,000) dan SK Wakuba (RM10,000) id Tawau. Montok Kota Belud, SK Kesapang (RM5,000), SK Timbang (RM15,000) om SK Menunggui (RM5,000) om iso po kawagu id Papar, SK Kinarut (RM40,000).

Iso po kawagu sikul id Kota Kinabalu SRK St. Catherine, SK Tampasuk 1, SK Lasau Tintapon om SK Labuan di Kota Belud ih noontok do luyud amu nokotoguang kinaraagan.

Potunud Koupisan Balajaran Pogun Datuk Jame Alip minoboros do puru disio mogintong kopio kinaraagan id sikul-sikul nakaampai moi owonsoi osisikap.

“Ginumu toinsanan susumikul ih nakaampai do luyud soginumu 2,818 miampai 264 monontuduk,” ka disio id pitimungan habar id Wisma Pendidikan, hiti di konihab.

Ka di Jame, montok timpu sikulan ko-12 tulan Koiso diti, pikikiro 30 pihatus mongingia toi ko monontuduk mantad Kelantan pakaraja id Sabah amu po nokoguli gagama noindamaan luyud id pogun diolo.

Ka disio, mongingia mantad Kelantan pakaraja id sikul menengah nopo nga soginumu 1,058 tulun om 1,053 tulun id sikul tosiriba. Mongigia mantad Terangganu nopo nga 345 tulun (sikul menengah) om 314 mongingia sikul tosiriba.

Karait Sakadai poimbida Tosopung Sikul 1Malaysia, ka di Jame, pogun diti nakaramit soginumu RM46.311 riong montok potikidon kumaa 463,115 susumikul tosiriba om menengah poimpuli Sabah. toiso-iso diolo karamit RM100 songulun. – Dii Sitti Nor Azizah Talata / SayangSabah

Komen


Berita Berkaitan