Sayang Sabah Facebook

Likes
Sayang Sabah Twitter

11,800

Followers

Sayang Sabah - Portal Berita Negeri Kita

RM70 riong montok momonsoi Sikul Soni id Longkod Balajaran Sandakan

3:42pm 12/03/2016 Maryann 0 views Abal Kinoyonon,Berita Pilihan,Kinoyonon,Sandakan

smk elopura
SANDAKAN: Komontirian Balajaran minopoolu RM70 riong montok momonsoi bangunan Sikul Soni Malaysia Sabah id Longkod Balajaran Sandakan do hiti ih pikikiro papanahon id siriba Palan Pusingan Koduo Pamalanan Malaysia ko-11 (RMK-11).

Potunud Bohogian Kokurikulum om Kosonian Komontirian Balajaran Rozaimun Ahmad minoboros do porinta pogun minoposodia tapak tana kiginayo 16 hektar montok pamansaian do sikul dilo id Longkod Balajaran Sandakan.

Laang proaktif diti pointalang popokito kosodiaan do porinta Sabah mananganu longkod kosonian montok mangakat koubasanan Sabah id timpak takawas, ka disio do hiti di konihab.

Minoboros ih Rozaimun miagal dilo kumaa maganu habar id ababayan kopotimpuunan Sikul Soni Malaysia ih pinoimagon di Boyoon Montiri Sabah Datuk Seri Musa Aman id Sikul Takawas Kabansan Elopura Bestari somok hiti di tadau Kolimo.

Sikul Soni Malaysia id Sabah nopo nga kaapat tinuridong id Malaysia kalapas id Johor, Sarawak om Kuala Lumpur.

Tumanud disio, ababayan Balajaran Soni id SMK Elopura, Sandakan kopiagal do pingisaman Komontirian Balajaran miagal di poinsuang id Palan Kotundaan Balajaran Malaysia (PPPM) 2013-2025.

Ka disio, ilo nopo nga montok posodia kopiagalan do akses kumaa balajaran kikualiti kopitopong sompomogunan om poingkawas kualiti balajaran kopiagal dilo pingisaman popoburu sistom balajaran pogun lobi poimpuli. – BERNAMA

Apa Komen dan Pendapat Anda

Artikel Berkaitan