Sayang Sabah Facebook

Likes
Sayang Sabah Twitter

11,695

Followers

Sayang Sabah - Portal Berita Negeri Kita

RM5 riong pinosodia montok kotundaan sipoot pogun Sabah

11:57pm 22/03/2016 Maryann 1 views Abal Kinoyonon,Berita Pilihan,Kinoyonon,Kota Kinabalu,Sipoot

tawfiq sukan
KOTA KINABALU: Soginumu RM5 riong pinosodia Komontirian Komulakan om Sipoot Sabah montok tuduan kotundaan sipoot pogun diti.

Montiri dau Datuk Hj. Tawfiq Abu Bakar Titingan minoboros do mantad ginumu dilo soginumu RM2.6 riong montok potikodon kumaa Geran Kotinanan, RM1.6 riong montok ababayan kejurulatihan om RM800 riong montok sakadai poimbida kumaa kopoonjuran ababayan om insentif kinalantaian.

Minoboros ih Tawfiq do komontirian dau minoposinarai 18 Kotinanan Sipoot Pogun ih minopotoluod pingat id nayatan kabansaan om sompomogunan toun 2015, sabaagi mamaramit Skim Insentif Kinalantaian nokoingkawas piagalon 17 kotinanan di toun 2014.

“Mantad ahal kousinan, komontirian dau minoposoliwan insentif soginumu RM84,540 toun diti piagalon RM61,903 toun 2014 miampai kinoingkawason 36 pihatus,” ka disio.

Minoboros isido miagal dilo soira rinuba maganu habar kalapas ababayan Skim Insentif Kinalantaian Atlet 2015 om Panahakan do Geran Sakadai Kotinanan Sipoot Pogun 2016 id Palace Hotel, do hiti di baino.

Daamot dilo soira minanahak boborosn, ka disio insentif di naramit do altet-atlet Paralimpik soginumu RM119,166.00. – SayangSabah

Apa Komen dan Pendapat Anda

Artikel Berkaitan